परवा राजू, डी.डी. आणि भैरोसिंघ जेवत होते, आणि त्यावेळी भाषेवरून काही तरी बाचाबाची झाली. राजू आमच्या भैरोसिंघाला म्हणायला लागला, तुमची नांदेडची भाषा लईच अलग आहे. मी पहिल्यांदा नांदेडला आलो, तेव्हा कुणीतरी मला म्हणाला "उभं टाक", मला खुप हसायला आलं.
भैरोसिंघाने कारण विचारलं, तर राजू म्हणे की त्यांच्याकडे "उभं राहा" असं बोलतात. मग ह्या विषयावर वाद चालू झाला की कोणतं वाक्य बरोबर. रोख माझ्याकडे वळला. मी कारणमीमांसा करायला लागलो.
राजूला मी उदाहरण दिलं-- "तू कधी असं वाक्य ऐकलय का-- देव विटेवरी उभा ठाकला"? त्यावरूनच उभं टाक हा शब्द आमच्याकडे आला! ह्याचा अर्थ असा, की मराठवाड्याची भाषा शुद्ध आहे, तुमच्यासारखी नाही ;)
शेवटी डिस्कशन बंद करायचं होतं, म्हणून मी आमच्या स्टाईल मध्ये एक वाक्य जोडलं-- "काय आहे न राजू, माणसाचा मूड पाहिजे. मूड असला की काहीही करता येतं. उभं राहता ही येतं आणि उभं टाकताही येतं ;)"
-पी.के.
